20 de decembro de 2013

Literatura, cinema e música para o festival de nadal.

O xoves 19 de decembro de 2013 celebrouse o festival de nadal do CPI Domingo Fontán de Portas no auditorio da antiga azucreira. O club de lectura participou cunha obra na que se dramatizaban 6 escenas de obras levadas ao cinema. As películas tiñan que ter unha base literaria, case todas estaban baseadas en novelas ou contos e unha refírese a un xénero de literatura rústica popular moi de moda ata 1950. Ademais, as escenas estiveron acompañadas pola música correspondente do film e por unha presentación na pantalla con fotogramas das películas. A orde de representación foi a seguinte:
1. Almorzo en Tiffani's (Club de lectura de ESO)

2. Mary Poppins (Club de lectura de Primaria)

3. Pulp Fiction (Club de lectura de ESO)


4. Branca de neve e os sete ananos (Club de lectura de Primaria)




5. O derradeiro dos mohicanos (Club de lectura de ESO)


6. Charlie e a fábrica de chocolate (Club de lectura de Primaria)


O pintor do sombreiro de malvas

A obra de lectura para o club de Secundaria para este último mes foi unha homenaxe aos galardoados do co premio "Eres de libro". A finais do curso pasado, catro integrantes do alumnado de 3º ESO (actualmente en 4º ESO) participaron nun proxecto integrado na biblioteca en colaboración co Departamento de Plástica. O estudantado foi obsequiado co galardón do concurso "Si eres original, eres de libro". Este traballo, coordinado pola profesora do Departamente de Educación Plástica, versaba sobre a obra de Van Gogh e as Cartas a Theo.
Este trimestre decidimos no Club de Lectura "As Portadas" traballar sobre o extraordinario pintor holandés cunha obra do marabilloso escritor galego Marcos Calveiro que trata sobre un momento crucial na vida do autor dos Países Baixos: O pintor do sombreiro de malvas.

20 de novembro de 2013

Encontro dos clubs de lectura de Cuntis, A Estrada e Portas

O pasado martes 12 de novembro fixemos un encontro dos clubs de lectura do CPI Aurelio Rei de Cuntis, do IES Losada Diéguez d'A Estrada e do CPI Domingo Fontán de Portas.

Pola mañá fixemos unha visita guiada con dramatizacións nos xardíns do Pazo de Oca, na Estrada.

Logo fomos xantar á area recreativa de Agronovo en Vedra, xunto ao río Ulla, onde fixemos algunhas actividades de animación conxuntas.

Finalmente desprazámonos ata o Mosteiro de Carboeiro onde fixemos unha visita do recinto eclesiástico restaurado e escoitamos as historias do contacontos Celso Fernández Sanmartín.


Actividades do club de lectura de Secundaria.

En Secundaria tamén preparamos unha actividade para os actos do Samaín da biblioteca, en colaboración cos departamentos de lingua inglesa e lingua galega.

A actividade consistiu en dramatizar o conto "tintitirintin", traducido simultaneamente de inglés para galego cunha narradora en cada idioma, un enterrador de cada fala e unha pantasma de cada lingua. Polo medio do público os zombis interactuaron co público ao final. Non sabemos que deu máis medo, se o conto ou a representación que fixemos...




Podedes ver máis fotos da representación no blog da biblioteca:


Actividades do club de lectura de Primaria para Samaín

A primeira actividade pública que preparamos no club de lectura de Primaria para este curso 2013-2014 foi a dramatización do conto Fiz, o coleccionista de medos.


A obra, con texto de Fina Casalderrey e ilustracións de Teresa Lima, foi adaptada polo club de lectura de Primaria con medos propios (vampiros, zombis, monstros, etc) para o mércores 30 de novembro. Representámola na biblioteca do centro para as actividades do Samaín e podedes ver máis fotos da representación no blog:

http://bibliocpidomingofontan.blogspot.com.es/

Club de lectura de Secundaria 2013-2014

O club de lectura As Portadas comezou un novo curso en Secundaria. Neste ano lectivo 2013-2014 conta cun grupo de alumnado de 4º que xa formara parte do club en 3º. Ademais temos a incorporación dunha persoa de 1º e unha de 2º.
Comezamos as actividades e reunións a finais de setembro e xa estamos na lectura e na dinamización lectora outra vez.

Club de lectura de Primaria 2013-2014

Un novo curso comezou e desde primeiros do mes de outubro xa estamos a facer reunión do club de lectura de Primaria.

Este ano fixemos unha reunión á que asistiron 25 persoas. Finalmente entregaron autorización 22 de 3º, 4º e 5º. Alumnado histórico de 6º non entrou nun primeiro momento no club pero agora parte dese alumnado está solicitando as autorizacións para anotarse.

18 de xuño de 2013

Literatura e cinema: Engurras

Dentro da tradición que se vai consolidando non noso club de ler un texto e logo visionar un film vai este ano unha proposta novidosa: Engurras.

Ao final do segundo trimestre e principio deste repartimos esta banda deseñada (cómic) publicada no 2008, para logo facer unha visión da película de animación baseada nesta historia no 2011.

A verdade é que unha historia diferente sobre a terceira idade. Fala sobre moitas cousas como a sensación de abandono, a soidade, o alzheimer, a cobiza ou os pequenos enganos pero tamén sobre a amizade, a solidariedade e a axuda mutua. Todo isto no medio dunha trama na que uns anciáns se verán envoltos nunha aventura





Paco Roca: É o autor do cómic e foi tamén guionista e director artístico do film; destaca que por esta obra levou o Premio Nacional de Cómic.










Ignacio Ferreras: É o director da película de animación que levou diversos premios en diferentes festivais

Lectura de microtextos na Festa da Lingua

O club de lectura As Portadas, na súa intención de promocionar a lectura pública, colaborou o pasado mes de maio na celebración da Festa da Lingua organizada pola coordinadora comarcal de Equipos de Dinamización da Lingua Galega "Terras do Umia".

A IV Festa da Lingua celebrouse o 10 de maio en Portas e asistiu alumnado dos centros de Barro, Caldas, Cuntis, Moraña e, por suposto, Portas. Entre outras cousas realizouse a entrega dos premios no concurso de microtextos e realizaron a lectura con música dos microrrelatos e micropoemas gañadores tres persoas do club As Portadas:
Inés Martínez
Fran Fontán
Carmen Saavedra

Letras Galegas: club de lectura de Primaria

O pasado 23 de maio o Equipo de Dinamización da Lingua Galega organizou un acto de homenaxe ás nosas letras como ben sendo habitual neste mes.

Ademais de render homenaxe a Roberto Vidal Bolaño cunha obra protagonizado por integrantes do club de ESO, fixéronse outros actos como entregar os premios dos concursos de microtextos que leron as integrantes do club de lectura.

Pero o club de lectura tivo un forte protagonismo xa que a chegada este ano do club de Primaria está a ser moi forte. Dado que Vidal Bolaño era un home de teatro, no club de primaria quixeron facer unha obra tamén, pero querían achegarse a un dos clásicos deste xénero: Romeo e Xulieta.

Escena do balcón con Romeo e Xulieta

Así, fixemos unha adaptación do clásico de Shakespeare para que o puidesen representar neste acto das letras galegas. O resultado foi a colocación en escena de 16 actores e actrices de 3º, 4º, 5º e 6º de Primaria. Tivemos en 16 escenas a tráxica historia dos dous amantes de Verona.





 Loita dos Montesco e os Capuletos
Visita do Conde París aos pais de Xulieta Capuleto


Festa de máscaras na casa dos Capuleto onde se namoran Romeo e Xulieta




Tráxico final de Romeo e Xulieta

Foto do grupo de actores e actrices

Letras Galegas: obra de teatro de Vidal Bolaño

No pasado mes de maio celebráronse os actos para homanexear as Letras Galegas. Este ano tocaba honrar a figura de Roberto Vidal Bolaño e o Equipo de Dinamización da Lingua Galega realizou un acto o xoves día 23 de maio para recordar a figura do dramaturgo compostelán.

No club de lectura sumámonos aos actos de homenaxe ás letras representando a obra Bailadela da morte ditosa con algúns dos integrantes de ESO que se converteron en clásicos este ano: Juan Ocampo, Inés Martínez e Fran Fontán. Carmen Saavedra fui substituída a última hora por Martina Feijoo xa que Carmen non podía asistir o día da representación. En calquera caso, defenderon dignamente todos e todas os papeis da Bailadela sexta: "De paifocos e lisgairos".

23 de abril de 2013

Día do Libro 2013

Este curso 2013 no CPI Domingo Fontán fixemos diversas actividades para celebrar o mes do libro, facendo unhas xornadas culturais con charlas, exposicións e concursos.

O club de lectura colaboramos nestas actividades da biblioteca e especialmente traballamos no concurso de relatos para o Día do libro do que entregamos os premios hoxe, Día do Libro, 23 de abril.

A actividade central deste día foi a lectura dos relatos gañadores do concurso de relatos e a entrega de premios. As lectoras e lectores foron integrantes do Club de Lectura As Portadas. Integrantes de ESO leron os relatos de Primaria e dúas integrantes de Primaria leron os premios de Secundaria.


As lectoras e lectores deste acto central do centro foron:



Fran Fontán
Inés Martínez
Juan Ramón Ocampo
Carmen Saavedra
Sara Conde
Aylin Amor

Outras integrantes do club foron as encargadas de entregar os premios ás gañadoras e gañadores do concurso.

Club de lectura de Adultos

Este curso conformouse o club de lectura de adultos. Está conformado por profesorado do CPI Domingo Fontán. Os seus membros son os seguintes:

Manolo Bugallo
Xoán Constenla
Emilio Lorenzo
Sara Rosales
Susana Sabarís
Susana Simó
Manolo Teixeira

O primeiro libro que lemos foi A desaparición de Esme Lennox,  publicada orixinalmente en inglés no 2006 e Premio Novela Europea Casino Santiago 2010. A obra trata dunha moza que descobre que tiña unha tía avoa vivindo nun psiquiátrico desde facía 60 anos e á que ninguén na familia recordaba ou quería recordar... A obra alterna pasaxes da década de 1930 con pasaxes de principios do século XX para acabar descubrindo quen era Esme realmente, e por que a familia a quixo ou fixo esquecer.


A autora do libro é Maggie O'Farrel, escritora nacida en Irlanda do Norte no ano 1972 e que reside en Edimburgo, Escocia. Esta escritora adoita publicar novelas nas que se descobre un misterio dentro dun ambiente familiar que agacha un segredo durante moito tempo.




31 de xaneiro de 2013

Día da Paz

Este 30 de xaneiro de 2013 celebramos o Día da Paz no CPI Domingo Fontán. En realidade, o día da paz debe ser todos os días do ano, pero a celebración para recordar a importancia de vivir neste estado realízase habitualemente o penúltimo día do primeiro mes do ano.

No club de lectura colaboramos na celebración deste día realizando diversas actividades:



En primeiro lugar, fixemos nas semanas previas unha recolleita de poemas relacionados coa paz e escribimos algúns sobre cartolinas recortadas coa silueta en forma de man;










Logo situámolos polas paredes do noso centro, tanto de corredores principais como nas paredes dalgunhas aulas.




E miramos que quedasen ben



Finalmente colocamos tamén nos corredores do primeiro andar



O día 30 fixemos un recital con poemas sobre a paz e contra os conflitos e as guerras. 


 Comezamos por Educación Infantil

E fomos a todos os grupos



Logo fomos a Educación Primaria

Tamén pasamos por todas as aulas



 Na segunda e parte da terceira hora fixemos o recitado na ESO

E pasamos por todas as aulas.



Logo fomos ao pavillón onde fixemos a palabra PAZ con todo o alumnado do centro




As integrantes do club de Primaria e algún do de ESO lemos o manifesto conxunto que se realizou no centro









29 de xaneiro de 2013

Imaxes dos contacontos de medo no Samaín

 Si, xa sabemos que en xaneiro non é o Samaín, pero a finais do mes de outubro o club de lectura colaborou co Equipo da Biblioteca na preparación dos actos para o Samaín. En concreto, o alumnado do club de Primaria elaborou unha representación de dúas obras e integrantes do club de Secundaria fixeron o propio con dúas historias tamén de medo. Pero por problemas técnicos non puidemos subir antes a maioría das fotos. Así que vai agora o resume do que fixemos.



O club de Primaria preparamos unha adaptación da obra Corre, Corre, cabaciña que representamos por quendas para Educación  Infantil e para os diversos ciclos de Educación Primaria.  


Fixemos unha lectura do conto cunha representación simultánea da obra


O público viviu a representación a tope


A biblioteca estaba ateigada


Logo, tamén representamos a obra A min non me comas.
En ambos os casos, combinamos a lectura coa escenificación das obras, representando cada integrante do club algunha das personaxes das historias.

Finalmente, unha pequena selección de alumnado de cuarto, quinto e sexto contou unha historia de mortos vivintes nun centro escolar


A aceptación foi moi boa e o traballo resultounos moi satisfactorio.


O club de Secundaria participou tamén nun contacontos simultáneo inglés-galego: contábase unha historia ao mesmo tempo en inglés e galego (frase en inglés e tradución inmediata).


As historias que se representaron foron: O xinete sen cabeza e Os restos do morto, este último interactuando co público e deixándolle tocar cos ollos tapados diversos "restos" dun teórico cadáver.A verdade era que arrepiaba.


O club de lectura contou coa colaboración de algún alumnado de 3º de ESO que axudou nos contacontos,  pero que por diversas razóns non poden asistir ás reunións do club, pero que todos xuntos móntana boa


O alumnado tamén contou coa axuda de parte do profesorado do club de adultos que colaborou na preparación das actividades