Os deberes do nadal, vídeo do club de 6ºB de Primaria

 En 6º B tamén estivemos traballando desde o Samaín para o Nadal. Como non nos deu tempo a preparar nada presencial decidimos comezar a preparar algo para esta data.

Despois de ler diferentes contos en valores, escollemos un que nos serviu de base para elaborar un guión de factura propia no que queriamos resaltar o valor dun nadal non consumista e si fornecedor de experiencias humanas reais que nos cheguen adentro...

Así xurdiu a obra "Os deberes do nadal", onde unha tarefa distinta leva a aprendizaxes diversas...

Se queredes saber máis.... aquí tendes o enlace...

https://www.canva.com/design/DAEzIHNCrds/jq5vbCb5QPfk2lYN0cW8JA/watch?utm_content=DAEzIHNCrds&utm_campaign=designshare&utm_medium=link&utm_source=publishsharelink

Os agasallos de nadal, vídeo do club de 6ºA

 O club de 6º A de Primaria estívose reunindo despois do Samaín para escoller unha historia para o nadal. Despois de ler algúns contos, escollemos unha historia dun neno caprichoso que aprende unha boa lección cando lle dan todo o que quere, pero con condicións.

Despois desa elección transformamos a historia nun guión para representar e acabamos facendo un vídeo para o nadal pero para reflexionar, para pensar que é tempo de matinar no que queremos de verdade, que é o importante e que non é fundamental nas nosas vidas...

Unha historia de maduración e de cambio... Esperemos que vos guste....

https://www.canva.com/design/DAEzHRoddJk/9TyQ9cg3FhjkC71w3zD60A/watch?utm_content=DAEzHRoddJk&utm_campaign=designshare&utm_medium=link&utm_source=publishsharelink

Adaptación de "O can morto" de Tolstoi polo club de 1º de ESO

 Durante os meses de novembro e decembro no Club de lectura de 1º de ESO-A estivemos a preparar unha adaptación do conto de Tolstoi "O can morto".

Primeiro lemos o conto e logo de constatar que podía ser unha boa obra para transmitir valores decidimos realizar un vídeo con ela para poder ser visualizada no centro.

O texto parécenos que pode transmitir aspectos como a solidariedade e que, de cara ao nadal, deben axudarnos a reflexionar para conseguir unha sociedade máis concienciada e non só ter bos desexos en ocasións determinadas...

Estamos moi contentas de ter realizado esta obra na que fixemos unha actualización da lectura e na que o can morto pasa a ser "O ser morto", que tanto pode ser un animal como un ser humano que aparece nunha praia... Ás veces non moi lonxe...

Podedes velo no seguinte enlace:

https://www.canva.com/design/DAEzCaPqCWw/epiAbZwTOtweZXjYZucwKQ/watch?utm_content=DAEzCaPqCWw&utm_campaign=designshare&utm_medium=link&utm_source=publishsharelink

Reunión do club de 6ºA

 Este mes comezamos coa lectura de obras de misterio dado que se achega o Samaín.

Reunión do club de 1º ESO

 O club de lectura de 1º de ESO decidiu comezar con lecturas de medo dado que estamos na época do Samaín. Comezamos co libro Cando petan na porta pola noite de Xabier P. Docampo

Ademais, fixemos unha lectura compartida de "O Cumpremortes", un dos contos do libro e que comentamos logo brevemente entre todos e todas...

1ª reunión do club de adultos

 Na primeira reunión do club de adultos fixemos unhas propostas de gustos lectores e tomamos a decisión sobre o 1º libro que ler este curso. A decisión foi comezar con Izan o da saca de Xabier Quiroga.

AS PORTADAS 2021-2022

 oLA!

Esta semana comezamos a andar no club de lectura. Despois do curso post-confinamento, no que non planificamos actividade no club, volvemos ás andadas...

Publicamos o calendario de reunións no taboleiro principal e imos facer agora o propio aquí no blog para que poidades consultar a seguinte xuntanza en calquera momento a través de internet.

Deixamos tamén a forma de organización e horario habitual dos grupos...

 

Grupos:

-Club de 6º Primaria (reunións os xoves cada quince días: A, un luns, B, o seguinte…)

-Club de 1º ESO (reunión os luns cada quince días: A, un luns, B, o seguinte…)

-Club atrevido (reunión unha vez ao mes, os martes; 1º, 1ª semana, 2º, 2ª semana, 3ª a 3ª semana e 4º a 4ª semana)

Club adulto (reunión unha vez ao mes, preferentemente a mediados de mes)

 

Lugar de reunión:

-alumnado: informática

-adultos: biblioteca

 

HORA DE REUNIÓN:

-alumnado: recreos

-adultos: 18.30 a 19.30

CALENDARIO PREVISIBLE DE REUNIÓNS

CLUB DE LECTURA AS PORTADAS

1º TRIMESTRE

	OUTUBRO	NOVEMBRO	DECEMBRO
6º A	21	4, 18	2
6ºB	28	11, 25	9
1º ESO-A	18,	8,22	13
1º ESO-B	25	15, 29	20
ATREVIDOS 1º ESO	18-25	9	7
ATREVIDOS 2º ESO	19	16	14
ATREVIDOS 3º ESO	26	23	21
ATREVIDOS 4º ESO	(2n)	2, 30	(30n)
ADULTO	25	15	13