Deixamos enlace ao vídeo dunha das actuacións de 6º
As Portadas
Blog do Club de lectura do CPI Domingo Fontán (Portas)
6 de febreiro de 2024
Obra de 6º de Primaria para o Día Escolar da Paz
Desde o club de 6º optamos por facer unha obra propia pero baseada nunha das ideas do decálogo de actuacións para a Paz...
A vacina contra o COVIOLENTO virus.
Así, puidemos deseñar unha obra baseada nas nosas integrantes e poder, ao mesmo tempo, desenvolver unha idea fantasiosa para o Día da Paz
Deixamos copia da obra
A vacina contra o COVIOLENTO VIRUS
6º (2024) |
|
|
|
Relatora 1-xornalista 1 |
|
Soldado 1 |
|
Relatora 2-xornalista 2 |
|
Soldado 2 |
|
Científica 1 |
|
|
|
Científica 2 |
|
|
|
Nen@ 1 |
|
|
|
Nen@ 2 |
|
|
|
Nen@ 3 |
|
|
|
Nen@ 4 |
|
|
|
Nen@ 5 |
|
|
|
R1: Ola, nenas e nenos!
R2: Como moit@s de vós sabedes a etapa máis dura do coranovirus xa pasou
R1: Pero aínda así, non desapareceu de todo e seguen quedando moitos máis virus por aí.
R2: A gripe A, o novo COVID, os arrefriamentos…
R1: Pero diredes vós… Que teñen que ver os virus co Día Escolar da Paz e da Non Violencia?
R2: Pois… máis do que parece, porque vos imos contar unha historia sobre un virus un pouco diferente
R1: Trátase dun virus violento que se vai reproducindo en nós a medida que se reciben malas contestacións ou situacións desagradables
R2: E as médicas e científicas estanos estudando, porque aínda non saben o remedio
R1: Imos ver o que pasaría se este virus existise
R2: Comezamos contando a historia dun grupo de rapazas e rapaces que estaban xogando ao fútbol no patio
SITUACIÓN 1 (n1-n2 vs n3-n4)
N1: Veña, imos meter gol
N2: Coidado que che van facer falta
N3: Ti non pasas, pailán
N1: Ai!, fixéchesme falta
N4: Non me sexades queixicas. Estades feitos de palla.
N3: Si. Sodes de palla,
N3-N4: sodes palla, SODES PALLA, … (rin)
N1: Non somos de palla, o que sodes é uns brutalláns
N2: Si, non se pode xogar con vós, sempre andadaes a dar patadóns
N1: Eu paso, vou xogar a outra cousa
(n1 e n2 marchan)
SITUACIÓN 2 (N1 E N2 chegan enfadadxs e atopan a N5)
N5: Que vos pasou
N1: A ti que che importa?
N5: Eh!! Que eu non che fixen nada
N1: Pois déixame en PAZ
N5: Tranquilo, eh! Só ía dicirvos se queriades xogar ao xadrez
N2: Déixanos en paz, non queremos xogar a nada
N5: Que vos pasou, volvestes perder co outro equipo
N2: Non, non rematou o partido, pero sempre que imos meter gol dannos patadas e por riba insúltannos.
N5: Pois non xoguedes contra ese grupo
N2: Entón disnos que non xoguemos ao fútbol?
N5: Ei, POR MIN XOGADE AO QUE QUEIRADES, PERO DESPOIS NON VOS QUEIXEDES. Deixádeme en paz tamén, eu non vos fixen nada
R1: @ nen@ 5 decatouse de que algo estaba a pasar
R2: Os brutalláns enfadaran aos seus amigos e ao falar con eles ela acabou tamén enfadada
R1: Paul@ on entendía ben que pasaba, pero agora ela volvérase tamén máis agresiva
R2: Como coñecía a unhas médicas e científicas foi falar con elas.
SITUACIÓN 3 (científicas e n5)
C1: Ola, Paul@! Que tal! Como estás?
C2: Canto tempo sen verte! Que che pasou? Tés cara de preocupación….
N5: Pois si, é que está pasando algo que non entendo
C1: Que foi logo?
N5: Pois antes levabámonos ben todas e todos pero ultimamente empezou algunha xente a comportarse de forma máis agresiva e iso levou a que as demais persoas tamén se volvesen máis desegradables.
C2: E ti como te sentes?
N5: Pois eu tamén noto que estou empezando a responder mal, a levantar a voz…
C1: Ummm! Parece que pode haber un contaxio, logo…
N5: COMO QUE ESTOU CONTAXIADA… DE QUE?
C2: Tranquila, non sabemos que pasa, temos que estudialo. Onde vos poderiamos ver?
N5: Pois, no parque mesmo.
C1: Mañá ao saír do colexio iremos vervos
N5: Si, é mellor que o vexades vós mesmas
C2: Xa o estamos empezando a ver…
(marchan)
R1: As científicas achegáronse ao parque ao día seguinte
R2: A rapazada decidira xogar ao pilla-pilla
SITUACIÓN 4 (tod@s, a rapazada xogando ao pilla, as científicas observan desde lonxe)
N1: Pilleite (a N2)
N2: Pero de que vas? Por que vés a por min?
N3: O xogo é así…
N2: Pero tíñate máis preto a ti e colleume a min
N4: Pareceríalle máis fácil pillarte a ti, como es máis lent@
N2: (empurra a N4) Estou fart@ de ti, sempre a picar
N5: Parade. Nin xogando ao pilla podemos estar tranquil@s
(as científicas achéganse)
C1: Rapazas, rapaces. Somos médicas e científicas. Xa nos coñecedes; podemos facervos unha proba?
C2: Non vai doer. Só é mirarvos a temperatura e tomar unhas mostras
N5: Vale
N1: A min non me importa
N2: Por min tamén vale
N3: Eu xa teño ido á vosa consulta. Claro que vos deixo mirar
N4: Si. Eu tamén vos deixo.
(Miran a temperatura e toman mostras de cuspe)
C1: Ben, grazas pola vosa colaboración
C2: E agora temos que ir ao laboratorio a analizalas
tod@s: De nada…
(marchan)
R1: As médicas e científicas marcharon preocupadas polo que viran
R2: E polas probas que fixeran… Foron estudalas ao seu laboratorio…
SITUACIÓN 5 (laboratorio)
C1: A cousa está moi mal; tiñan a temperatura bastante alta
C2: E a tensión disparada…
C1: A ver que se observa no microscopio
(miran)
C2: Vaia… Incrible…É un virus descoñecido
C1: Si, parécese ao do COVID e ao da gripe pero é máis vermello
C2: E aínda que é microscópico ten un tamaño maior ca os outros virus, é como máis forte… e ten cara de enfado
C1: Pois teremos que poñerlle un nome…
C2: Que che parece… COVIOLENTO VIRUS
C1: Moi ben… Porque volve á xente máis agresiva…
C2: Si. Agora teremos que buscar un remedio
C1: O mellor é que comecemos a preparar unha vacina nova
C2: Si, senón a xente vaise volver toda unha contra a outra…
SITUACIÓN 6 (as narradoras/relatoras fan de xornalistas e entrevistan as científicas que descubriron a vacina…)
R1: Bo día! Abrimos este noticieiro cunha excelente nova…
R2: Despois de varias semanas de incerteza polo COVIOLENTO VIRUS que estaba infectando a nosa sociedade pode que xa teñamos remedio…
R1: Dúas científicas galegas que descubriran a orixe do virus pode que atoparan tamén a solución… Unha vacina
R2: E témolas aquí connosco… Dígannos, xa temos vacina para o COVIOLENTO VIRUS.
C1: Pois si. Despois de varias semanas de ensaios conseguimos unha vacina que cremos que funcionará
R1: E que hai que facer? Hai que vacinar a todo o mundo?
C2: Pois imos comezar polos grupos escolares porque alí é onde descubrimos os primeiros brotes
R2: E é moi dolorosa?
C1: Que va… Unha picadiña… e xa estás protexida
R1: Cando comezan coa campaña de vacinación
C2: Mañá mesmo…
R2: Pois moita sorte con este traballo.
(marchan)
SITUACIÓN 7 (as narradoras/relatoras fan de xornalistas e comentan a campaña de vacinación…)
R1: Bo día! Hoxe comeza a campaña de vacinación contra o COVIOLENTO VIRUS
R2: Estamos co grupo de escolares aos que se lles descubriu que tiñan o COVIOLENTO VIRUS
R1: Eles e elas serán con quen se comece esta campaña
R2: E as científicas-médicas que descubriron o virus van poñer elas mesmas as vacinas. Comezan agora
C1: A ver, a primeira persoa…
C2: Agora a segunda…
C1: Seguinte….
C2: Unha máis
C1: E a última por hoxe…
R1: (falando con n1) Como te sentes?
N1: Ben. Non me doeu e parece que xa non estou tan enfadad@…
R2 (a n2): E ti que tal?
N2: Case nin sentín a picada da vacina e xa non noto calor na cara, que me poñía todo rubio…
R1 (a n3): E a túa sensación?
N3: Eu nin me decatei. E estou máis relaxad@... Xa vou notando os efectos
R2 (a n4): E como foi a experiencia para ti?
N4: Sen sobresaltos; non me doeu a inxección e agora nótome en paz
R1: E por último a persoa que lles pediu ás doutoras que investigaran o que estaba a pasar. Como foi todo?
N5: Pois creo que foi ben… A min non me doeu a picada da inxección, o que me doía eran os comentarios duros e os enfados que estábamos a ter e que nos facían pelexar…
R2: E unha pregunta para as doutoras… Agora que virá…?
C1: Pois haberá que seguir vacinando a todo o mundo que presentaba síntomas de COVIOLENTO VIRUS.
R1: E de que se compón a vacina…
C2: Pois leva unha enzima que neutraliza o virus vermello do COVIOLENTO VIRUS e transfórmao noutra enzima beneficiosa para o organismo
R2: E non pensan en exportalo para os grandes conflitos internacionais
C1: Estamos traballando niso. Esperamos que poida valer para políticos e soldados que andan masacrando poboacións polo mundo
R1: Pois cando estean preparadas daremos esa información.
C2: Esperamos en breve poder probala e así ver se conseguimos acabar coas guerras no mundo.
R2: Pois agardando que este remedio funcione tamén cos exércitos, despedimos a conexión por hoxe
(marchan tod@s e a rapazada rindo e con boa actitude)
SITUACIÓN 8 (xornalistas, científicas; soldados…)
R1: Bo día! Saudamos a nosa audiencia nun día especial. Hoxe vaise probar a vacina contra o COVIOLENTO VIRUS cos soldados e políticos que anda metidos en leas polo mundo
R2: Hoxe ímolo probar co exército de Israel que está masacrando a poboación Palestina de Gaza..
C1: Achégate… (pon vacina)
Soldado 1: Aiiii
C2: Ven aquí (pon vacina)
Soldado 2: Uiiii
R1: Parece que lles doe
C1: É que tivemos que facer unha dose máis forte para que funcione cos soldados e políticos que os mandan
R2: E será suficiente…?
C2: Non sabemos. Ímoslles poñer outras doses para que paren de matar…. Vinde aquí….
(perseguen os soldados e estes escapan das picadas das inxeccións, dicindo “déixame, para…”)
R1: E sen máis, despedímonos, agardando ir polo mundo adiante que quedan moitos conflitos.
R2: Pero oxalá este remedio funcione… En Gaza, en Ucraína e en moitas máis partes do mundo. Así que…
TOD@S XUNT@S:
NON Á GUERRA, NON ÁS GUERRAS E NON AOS MASACRES DA POBOACIÓN INOCENTE DO MUNDO