Paz no club de secundaria

 O club de 1º de ESO estivo a traballar neste mes de xaneiro nunha actividade para publicitar o Día da Paz no centro. Aínda que nesta ocasión non se tratou na dramatización dunha obra, si que laboramos para que se visualizase o noso traballo nos corredores do CPI.

Así, creamos un mural con Acrósticos para o Día da Paz, é dicir, fixemos creacións poéticas nas que a primeira letra de cada verso lida verticalmente permite observar unha palabra ou frase que ten que ver coa temática da que trata a composición.

Así, para este noso mural, puidemos expoñer textos nos que se deixaban ver palabras como "AMIZADE", "FELIZ" ou "NON PELEXAS" se liamos esa primeira letra de cada verso verticalmente. En concreto, puidemos ler máis dunha vintena de composicións nesta exposición.