30 de xaneiro de 2024

Actuación do Club de 5º de Primaria para o Día da Paz


 Este mes de xaneiro o club de lectura "As Portadas" estivo traballando intensamente para preparar o Día da Paz e da Non Violencia. Desde 5º reunímonos para dara unhas pautas para crear unha obra que nos permitise desenvolver a nosa creatividade e adaptarnos ao grupo numeroso que somos.

Así, tendo en conta un decálogo de propostas, escollemos facer unha obra pero que servise para resolver conflitos cotiás, polo que nos decantamos por unha situación familiar na que numerosos fillos e fillas crean situacións diversas e lles chega unha coidadora que se "porta mal con eles e elas". Posteriormente transformamos esa situación dicindo que os rapaces e rapazas en realidade facían falcatruadas ou non querían colaborar nas tarefas da casa para logo chegar a unha situación conflitiva que ser resolve de maneira enxeñosa....

Deixámosvos a obra coa que traballamos e que desenvolvemos desde propostas nosas...

A coidadora

 

6º (2024)

 

 

 

 

 

Nen@ 1

 

Relatora 1

 

Nen@ 2

 

Relatora 2

 

Nen@ 3

 

Mai-nai

Lucía

Nen@ 4

 

Pai

Mauro

Nen@ 5

 

Coidadora

Alexia

Nen@ 6

 

 

 

Nen@ 7

 

 

 

Nen@8

 

 

R1: Bo día, nenas e nenos!

R2: Sabedes en que Día estamos?

R1: Pois, si, no Día Escolar da Paz e da Non Violencia

R2: E desde o Club de lectura “As Portadas” quixemos facer dúas achegas para o Día Escolar da Paz e da Non Violencia

R1: O alumnado do Club de lectura de 5º vai facer unha obra titulada “A coidadora”

R2: Nesta obra, unha aia, que coida varios irmáns vai ter moitos problemas para educalos.

R1: Logo, veredes unha actuación do club de 6º

R2: Nela, os rapaces e rapazas van intentar enfrontarse a un violento virus que provoca agresividade.

R1: Pero iso será despois                                                                                                    

R2: Agora comezaremos coa actuación de 5º

R1: Todo sucede nunha casa de 8 irmáns.

R2: Un pai con descendentes e unha nai que tiña tamén outros descendentes, xuntáronse e crearon unha nova familia.

R1: Como supoñeredes, nese lar é fácil que aparezan problemas

R2: Como o pai e a nai traballan tiveron que contratar unha aia

R1: É dicir, unha coidadora que se ocupe da rapazada mentres eles non están

R2: Pero imos comezar a historia case polo final

R1: Os rapaces e rapazas cóntanlles aos proxenitores que a coidadora é moi mala

R2: Segundo eles e elas, pórtase moi mal…

 

SITUACIÓN 1 (nen@s e pais)

 

N1: Si. A coidadora é moi mala

N2: Bérranos moito

N3: E castíganos

N4: Sácanos as cousas

N5: Non nos deixa facer nada do que nos gusta

N6: Obríganos a facer tarefas da casa

N7: Non nos deixa utilizar internet

N8: Nin falar cos nosos amigos e amigas

M: Vaia… Así que é moi mala

P: E queredes que nós fagamos algo

N1: Si, facede algo

N2: Xa volo dixeramos algunha vez

N3: Non pode compartarse así con nós…

N4: Dicídello xa, porfa…

M: Imos velo ben…

 

SITUACIÓN 2 (M, P e C)

R1: Esta situación produciuse por algo..

R2: Pero imos coñecer os detalles

R1: Comecemos polo principio. Volvamos atrás no tempo.

R2: Esta familia precisaba unha aia

R1: Así que ofertaron un posto de coidadora para vixiar @s fill@s mentres estaban no traballo

R2: E para iso fixeron unha entrevista de traballo para o posto… Vexamos como foi…

 

M: Non me gustan demasiado as persoas que viñeron, asustoulles un pouco a situación…

P: Pois só nos queda unha candidata

M: Que pase

P: Adiante, moza!

C: Bo día

M: Bo día, sabe que tipo de posto ofrecemos, non?

C: Si, señora. Son familia numerosa e precisan unha coidadora

P: A miña muller tiña 3 fillos e eu tiña outros 3. Ademais agora tivemos dous máis, polo que son 8 en total.

C: Comprendo. Pero non importa. Aquí conviven todos e todas como irmáns e como tales deberán comportarse, supoño

M: Non lle queremos ocultar que ás veces a situación é difícil…

C: Supoño. Son 8 menores de idade convivindo nun espazo relativamente reducido

P: Nós temos que traballar os dous para pagar as facturas… Pero iso fai que non teñamos demasiado tempo para coidalos

M: As súas referencias son boas. Ten estudos superiores e ciclos formativos como coidadora infantil. Pero non sei se lle interesa este posto.

C: A verdade é que traballei coidando familias menos numerosas pero gústanme os retos. Non sería un problema o que ofrecen.

P: Pois ben, non temos máis que dicir que lle pagaremos o soldo ofrecido no convenio e se ten que facer máis horas pagarémolas aparte

C: Por esa parte tamén estaríamos de acordo.

M: Pois enviarémoslle unha mensaxe se é a elixida…

C: Ata logo

(a coidadora vaise)

P: Que che parece.

M: É a mellor

P: Collémola, logo

M: Mándalle a mensaxe xa…

SITUACIÓN 3 (c e n1-n4)

 

R1: Aos poucos días a coidadora comezou a traballar

R2: @s catro máis pequen@s da casa deixaban os xoguetes tirados

R1: Tampouco lles gustaba facer os deberes

R2: Así que só querían xogar…

R1: Pero a coidadora comezou por cambiar algunhas cousas…

R2: Tivo que intervir cando estaban xogando ás agachadas

 

N1: Atopeite… (a n2)

N3: Por min e polos meus compañeiros…

N2: Quedo libre

N1: Non, ao que atopei queda preso, só se libran @s que faltan por pillar…

N4: Iso é se o dixeras na panda, pero non vale só con velo

N1: Pois eu non vou quedar, tócalle a ela…

N2: Non, es ti outra vez

(comezan a discutir e empurrarse…)

C: Eh, alto! Que pasa

N3: Que ten que volver quedar e non quere

C: Pero non hai que pelexar para iso. Fixestes os deberes?

N4: Non, farémolos despois de xogar…

C: Non! Tendes que facelos agora e ao acabar deixareivos xogar

N1: É inxusto

C: E recollestes os xoguetes?

N2: Recollerémolos despois de cear

C: Non, despois de cear iredes para a cama. Recóllense os xoguetes cando se deixa de xogar con eles.

N3: Buah! Isto é un “rollo”. Así non mola

C: (recolle algún xoguete) Agora faredes os deberes e despois recolleredes o resto de xoguetes que hai tirados. Se non o facedes, non vos devolverei estes que son os vosos favoritos…

N4: Isto é unha dictadura…

C: Non. Son as normas da casa, Quen non recolla ou non faga os deberes non recibirá o seu xoguete favorito… É un trato xusto.

(marcha a rapaza protestando e marmullando…)

 

SITUACIÓN 4 (c e n5-n8)

 

R1: Unha vez que arranxou a situación cos máis pequenos a coidadora foi visitar os maiores

R2: As 4 persoas coas que se ía atopar eran os e as adolescentes da casa.

R1: A coidadora atopounos deitados e deitadas, sen facer nada en todo o día, co cuarto desordenado, a roupa tirada e mirando o móbil…

R2: En fin, como moita mocidade fai...

 

C: Ola! Fixestes os deberes?

N5: Non nos raies tía

C: Non vos quero molestar, só quero saber como vos vai

N6: Tranqui, tía, nós controlamos.

C: O que non controlades é a orde... Está toda a roupa tirada. Hai que ordenar isto

N7: A ver, tronca; xa recolleremos despois

C: Non, hai que facelo xa... Ademais, hai que lavar e tender a roupa sucia

N8: ...Buah, que flipe...! Acabo de conseguir a mellor marca no xogo LEGENDS OF WAR... Siii (peta un chimpo de ledicia)

C: Ben, imos cambiar esta dinámica (dálle a un botón e colle un cable...)

N5: Eh! Que pasou.. Non hai internet...

N6: Ai, si! Non me vai... Curtaron a liña ou que?

N7: Noooon; foi ela... ten un cable na man

N8: É o cable da Wifi...

(protestan, enfádanse....)

N5: NON PODE SER?

N6: DE QUE VAS TÍA?

N7: TI FLIPAS OU QUE?

N8: DEVÓLVENOS A CONEXIÓN XAAAA....

C: Mirade. Imos facer un trato. Eu dareivos algo cando vós me deades algo. Se recolledes a roupa, ordenades o cuarto e facedes os deberes, devolvereivos a conexión un par de horas...

N5: o que? Só dúas horas ao día?!

C: Pois unha hora só

N6: Vale, vale, xa o facemos agora e déixanos dúas horas...

(marchan refunfuñando...)

 

SITUACIÓN 5 (toda a rapaza, mai e pai)

 

R1: Despois duns días coa nova aia, a rapazada non estaba contenta

R2: Non estaban de acordo cos seus métodos e foron protestarlle á nai e ao pai

R1: Agardáronnos cando chegaron de traballar

R2: E expuxéronlles os seus motivos longamente

 

N1: E fíxonos recoller os xoguetes

N2: E facer os deberes ao chegar do cole

N7: Si e a nós recoller a roupa e ordenar o cuarto

N8: Si, e senón non nos dá Wifi ou non lles deixa xogar aos pequenos

M: Pois a verdade é´que a casa está máis ordenada que nunca

P: Si. E do cole chamaron as titoras dicindo que mellorarades moito ultimamente

M: En fin, que a situación cambiou para mellor, parece

N3: Pero, pero...

N4: É que... pero...

P: Non hai peros que vallan... Parece que a cousa vai mellor. Así que imos cear que vimos cansos de traballar

(vanse os pais, xúntase a rapazada)

N5: Hai que facer algo

N6: Esta vai saber quen somos nós (sorrín)

 

SITUACIÓN 6 (c e n1-n4)

 

R1: As máis pequenas decidiron facerlle unha trasnada

R2: Prepararon un caldeiro de confeti pringoso para que lle caíra enriba á coidadora

R1: Puxérono nun alto

R2: E esperaron a que se achegara para tirarllo...

 

N1: Nina, podes vir?

C: Claro,

N2: Podes collerme ese libro, que non lle chego?

C: (Mira e ve o caldeiro) Cal, este?

N3: Si, tira tira

C: Non dou, ides ter que axudarme..

N4: Non, somos pequenos e non lle chegamos... tira ti...

(C tira pero aparta e cáelle o caldeiro á rapazada; marchan queixándose, ...)

N1: SERÁ POSIBLE,

N2: CAIUNOS A NÓS

C (ri): e cando vos lavedes vindes aquí e recollédelo, senón quitareivos os xoguetes unha semana...

N3: Aínda por riba...

N4: Cala, que senón valo facer peor...

 

SITUACIÓN 7 (n5-n8 e c)

 

R1: Logo foi reclamada polos adolescentes

R2: Estes fixeran un cambio

R1: No azucreiro puxeran sal fino, polo que parecía azucre

R2: E chamárona para que tomase un café

 

N5: E non lle pasará nada, non?

N6: Que va! Só botará sal no café, saberalle algo salgado, ghe ghe

N7: Veña! Chamámola. NINAAA! Podes vir.

C (chega): Ola! Queredes algo?

N8: Si. Como traballas moito preparámosche un café... Aí tes o azucre...

C: Grazas. A verdade é que o agradezo. Un café quentiño con azucre sentarame ben... (proba)

N5:Que tal?

C; Ummm, sabe algo raro... (érguese, móvese como mareada) Ai! Non me sinto ben... (marcha)...

N6: Que lle pasou?

N7: E se a envelenamos?

N8: Non ho, só era sal...

C (volve, con ronchas na cara –pasta de dentes-): Ai, saíronme ronchas. Non me botariades sal no café... Son alérxica ao sal.... e PONME A MORRER...

N5: Que fixemos???

C: Estou fatal, vou esvaecer (cae ao chan)

N6: Ai que nola cargamos!!!

N7: Vaia trasnada fixemos....

N8: Papá e mamá vannos matar a nós

N5: Pobre Nina. Era moi boa. Só quería que nos portásemos mellor e mira como lle pagamos...

N6: Daría o que fose para que se puxese ben.

N7: E eu

N8: Eu ata deixaría de xogar ao LEGENDS OF WAR durante un mes...

C (Volve en si): Pois trato feito

N5: Nina, es ti?

C: Si.

N6: Pero como...

C: Só é pasta de dentes, non son alérxica ao sal...

N7: Pero asustáchesnos.

C: Para que teñades coidado coas bromas. Podedes facerlle dano a alguén.

N8: Fixeches trampa. Non sei se cumprirei a promesa de non xogar.

C: Ti verás (vanse)

 

SITUACIÓN 8 (rapazada, nai, pai e logo coidadora)

 

R1: E volvemos a principio

R2: Que xa é o final

R1: A rapazada estaba queixándoselle á nai e ao pai

 

M: Vaia… Así que é moi mala

P: E queredes que nós fagamos algo

N1: Si, facede algo

N2: Xa volo dixeramos algunha vez

N3: Non pode compartarse así con nós…

N4: Dicídello xa, porfa…

M: Imos velo ben…

P: Nina, ven.

M: A ver, queremos felicitarte polo traballo que levas feito;

P: Melloraron moito as notas no cole dos nosos fillos e fillas

M: A casa está limpa e ordenada

P: Van á súa hora para a cama, fan as tarefas. Todo ben.

M: Pero din que es mala e que te vaias. Así que se iso pasa un teremos que deixar de traballar para coidalos porque ningunha aia aguantaba a este grupo

P: Pero as normas seguirán sendo as mesmas que contigo, porque a cousa funciona...

M: E como un non traballa haberá menos cartos polo que teremos que deixar de pagar internet ou  comprar xoguetes...

N1: Eu non quero que se vaia

N5: En fin, eu realmente tampouco  quero que se vaia

N6: Nin eu

N7: En realidade, igual nos pasamos. Só queriamos privilexios e non responsabilidades

N8: Eu vou cumprir a promesa. Non xogarei a LEGENDS OF WAR durante un mes

N2: Só pensabamos en nós pero eu prometo portarme mellor

N3: E non volveremos facerlle ningunha trasnada

N4: No fondo, sabemos que é máis lista que nós e iso é o que nos molestaba... Que nos gañaba sempre.

C: Nenas e nenos, eu quérovos moito, pero iso non quere dicir que ás veces non teña que ser estrita con vós porque onde hai moita xente hai que funcionar cun pouco de orde. Pero se nos organizamos ben hai tempo para todo

P: Ben, parece que reconsiderades a situación

M: Pero non vos desculpastes adecuadamente

RAPAZADA TODA: Sentímolo Nina...

C: Non pasa nada, no fondo, divertímonos moito...

N1: Pois si...

C: E agora, a limpar o chan que quedou cheo de pasta de dentes.

N2: Xa empezamos de novo...

(Rin tod@s)

 

R2: E así remata a historia desta familia

R1: Que resolveron os seus conflitos mirando cal era o problema, recoñecendo erros e buscando solucións

R2: Oxalá fixeran así con todos os conflitos do mundo

R1: E buscasen solucións aos problemas en vez de facer guerras...

R2: Polo que desde o club de 5º dicimos...

 

TOD@S XUNT@S:

NON ÁS GUERRAS E SI Á PAZ E Á NON VIOLENCIA NO MUNDO

12 de xaneiro de 2024

Reunión dos clubs de Primaria en xaneiro

 Este mes de xaneiro reunímonos en 5º e 6º, como viña sendo habitual, no primeiro xoves e no primeiro venres respectivamente. 

A primeira toma de contacto valeu para planificar o mes e, tendo en conta que no horizonte está o Día da Paz, decidimos preparar algo para esa data.

Nesta reunión optamos por varias propostas para realizar ese día para ao final decantármonos por unha. Os dous grupos queremos realizar algunha actuación pública, aínda que o enfoque vai ser distinto en cada unha.

Para rematar deixamos as propostas que manexamos para ese día:

 

ACTIVIDADES PARA O DÍA ESCOLAR DA PAZ E DA NON VIOLENCIA (30 XANEIRO)

 1.      Símbolos da paz. Coñecer, expoñer, explicar (ata 12…)

2.       2. Semáforo da paz (Vermello: accións cotiás negativas; laranxa/amarelo: accións que chaman a atención; Verde: Accións positivas

3.      3. Contar historias (historia de Punto-UNICEF; Todos somos diferentes…Twinkel…)

4.      4. Recitado de poemas..(

5.      5. Cancións da paz

6.      6.Ditos e proverbios mundiais

7.      7. Historias cotiás breves: realizar representacións sobre relacións tóxicas e relacións sans; amizade, responsabilidade, respecto e empatía… Establecer límites entre o que é aceptable e o que non..

8.      8. A VACINA DO BO TRATO contra o COVIOLENTO VIRUS. Un virus infecta a moitas persoas, o virus vólvese perigoso; un grupo investiga unha vacina; trátase a vacina e ponse coidado para frear o virus… INGREDIENTES: respecto, escoitar, saber ceder, aceptar as propostas dos demais…

9.      9. Glosario sobre a violencia-paz… (poderíase combinar co semáforo: agresividade en vermello, asertividade en verde)

1010.   Xogos de rol; resolución de conflitos...

E

21 de decembro de 2023

Conto (ceibe) de nadal polo Club de Primaria


 Este 21 de decembro despedímonos cunha actuación que xuntou a todo o club de Primaria pero que veu precedida, como sempre, dun intenso traballo. Este mes de decembro seguimos acrecentando o número de integrantes do club de Primaria e, por certo, contamos tamén coa chegada de lectores masculinos. En 6º tivemos tres incorporacións (Manuel, Darío e Noe) e en 5º tivemos catro incorporacións  (Sofía, Amparo, Mariña e Mauro; unha incorporación foi efémra, a de Xián, xa que estivo na lectura pero decidiu non participar na actuación, igual que Sergio que si estivera no 25N)

A rolda de traballo seguiu o ritmo habitual: a primeiros de mes reunímonos tanto o club de 6º como o de 5º para preparar a nosa lectura de cara ao nadal. Así, tras falar das obras que poderiamos traballar, todo o mundo apostou polo clásico de Dickens. Con todo, lemos outras dúas historias baseadas en contos en valores que focalizan a importancia do nadal en aspectos menos consumistas ou en facer reflexionar sobre as consecuencias de ter todo o que se quere.

Finalmente, fixemos unha lectura adaptada e conxunta da obra Conto de nadal e a maioría declarou querer dramatizar esta obra na Festa Fin de Ano do Día 21 de decembro. Así, despois de dúas semanas intensas chegamos ás 12.30, do 21 de decembro, despois das uvas de fin de ano no centro, onde pasamos a actuar durante case un cuarto de hora para todo o centro e familias que se achegaron a esa hora. Deste xeito conseguimos achegar esta obra clásica pero adaptada aos nosos días, á que lle chamamos "Conto (ceibe) de nadal".

Hai gravación do feito. Tendo en conta que o ximnasio non é o mellor escenario do mundo, deixámovos un enlace para que poidades vela


Deixamos agora os papeis e os seus intérpretes

CONTO (CEIBE) DE NADAL

Charles Dickens

(Adaptación libre para o club de 5º e 6º de Primaria)

 NARRADORA 1.......Noelia

NARRADORA 2........ Icía C.

RAÑA (Pero)............. Manuel

MARÍA (empregada).... Mariña

ANA (empregada)........ Candela

CARME (empregada)..... Lara

ROSA (empregada)..... Diana

LELA (empregada)..... Nora

SOBRIÑO RAÑA.... Roi

PEDIDOR PARA POBRES.... Darío

FANTASMA CURMÁN PAULO... Mauro

FANTASMA NADAL PASADO... Alma

Neno Raña... Icía P.

Fanni Raña... Alexia

Mozo Raña... Aldhara

Moza de Raña... Annette

Fantasma Nadal actual... Amparo

Raña vello... Darío

Antía, filla de Ana... Estela

FANTASMA DO NADAL FUTURO... Laura

LIMPADORA ... Alma

XORNALEIRO... Sofía

14 de decembro de 2023

Lectura de nadal e futuro no club de ESO

 Agora que se achega o Nadal  no club de ESO recorremos a un clásico... Conto de nadal de Charles Dickens. Botamos unha ollada pola fiestra do tempo a como se enfocaba unha sociedade capitalista incipiente e como se conxugan certos valores "modernos" cos tradicionais ou, dito doutro modo, hai unha invitación a ir máis amodo na nova sociedade.


Por outra banda, estivemos a falar da planificación cara ao futuro e propuxemos unha obra da que poderemos ter unha visita da escritora: Furia  de María Reimóndez, gañadora do premio Jules Verne de literatura xuvenil este ano (e que o profesorado do club está xestionando para traer ao centro). Esta lectura tamén foi proposta no club Adulto polo que partillaremos unha obra similar.

Convidámosvos a seguir as nosas lecturas...

5 de decembro de 2023

Reunión do club adulto

Este martes 5 de decembro realizamos a 2ª xuntanza do club adulto. Nesta reunión falamos fundamentalemente dos libros que lemos ata o de agora: As alumnas e Golpes de luz que resultaba ser a novidade.

Gonzalo, a nosa recente incorporación desde as familias, achegounos o seu valiosísimo punto de vista sobre o que lle supuxo a lectura da obra de Paula Carballeira que tiveramos como primeira obra este curso.

Así, na obra As alumnas péchase un círculo: hai un regreso ao pasado pero volvemos ao presente no que nos iniciaramos pero dun xeito sorprendente, o que estaba a pasar non fora como se esperaba.

Resulta unha obra sinxela pero eficaz con diálogos naturais, non impostados. Aparece a educación á antiga, coa separación por sexos... O sexismo e a discriminación machista aperece en varias ocasións e a muller diferente é "marcada", como a galiña que canta, xa que só canta o galo... Pero tamén están os tópicos sobre a lingua (galego, lingua de pobres...). Aparece un mundo que moitos viviron (cartillas de racionamento) e todo isto levounos a recordar as vellas escolas de Portas (na Santiña, no Mondoiro...)


Finalmente acabamos departindo sobre o libro de Ledicia Costas, a súa habilidade para ir creando 3 puntos de vista de diferentes xeracións sobre uns feitos cotiáns que viven esas 3 idades: a avoa, a filla e o neto. Valoramos a súa sensibilidade para falar de certos temas delicados e puxemos de relevancia a aparición do humor en determinads circunstancias como cando se confunde o retrato do avó na exposición escolar co dun persoeiro de valor para a avoa...

Contra o final da xuntanza falamos de obras para o futuro. Nun primeiro lugar decidimos que podiamos pór unha obra de María Reimóndez que gañou este ano o premio Jules Verne de literatura xuvenil: Furia. Neste caso pretendemos compartir esta lectura co alumnado do secundaria xa que pretendemos traer a escritora ao centro. Deste xeito partillamos esta obra e procurariamos pasar un intre coa escritora, se é posible.

A segunda obra que propuxemos foi Invisibles de Montse Fajardo, escritora que tamén pretendemos traer tamén ao centro cara ao mes de marzo. Con esta planificación deixamos en suspenso as vindeiras reunións xa que as presenciais serían nas xuntanzas coas propias escritoras. Así, con estas propostas de cara ás vindeiras semanas deixámosvos ata o vindeira ano no club adulto.

Boas lecturas.

24 de novembro de 2023

Club atrevido co 25N

 Este 25N ou Día Internacional para a Eliminación da Violencia contra a Muller chegou por anticipado ao noso centro xa que este venres 24 de novembro celebramos os actos conxuntos para representar diante de todo o alumnado para poñer en valor as situacións de desigualdade que se dan para as mulleres á hora de enfrontarse con situacións cotiás en diversas facetas sociais.

No club "atrevido", formado fundamentalmente por alumnado de 2º de ESO, representamos diferentes situacións do ámbito doméstico ou que se poden dar en xeral na sociedade: así, na inseguridade que pode sentir unha muller pola rúa, na perpetuación de roles machistas na casa (facer de comer, recoller, limpar, etc, como roles femininos que provocan situacións de violencia se non se cumpren...) foron os eixos das escenificacións que preparamos.

Nestas obras participamos integrantes dos dous grupos aínda que a foto feita ao final das actuacións non recoller a algúns integrantes que xa marcharan cambiarse pero que basicamente seguimos sendo os memos e mesmas das actuacións do Samaín



Club de 1º de ESO en novembro

 Durante este mes estivemos lendo as obras Instrucións para tomar café e Menú de enganos de Manuel Núñez Singala; en concreto fixemos unha escolma daquelas historias que nos parecían máis evidenciadora de situacións de machismo e moitas veces de idadismo, é dicir, de recargar certas tarefas familiares nas mulleres de idade como os xantares coa proxenie...

A historia "cocido familiar" fora a escollida para representar de cara ao 25N, pero finalmente razóns loxísticas complicadas con exames na semana final de preparación non nos permitiron ensaiar a obra todo o que quereriamos. Con todo, servíronnos de inspiración para o grupo que estivemos a lelas e aprendemos a razoar sobre situacións que aparentemente non teñen maior transcendencia pero que gardan certo cheirume machista...