13 de abril de 2023

Lecturas de Primaria para o 3º Trimestre

 Este trimestre imos propoñer como lecturas obras de misterio:

A colección de Conan Doyle publicada por Bululú é un primeiro achegamento á obra do escritor británico: 

-A banda de lunares

-El carbunclo azul

-Estudo en escarlata

-O signo dos catro

-O vampiro de Sussex

11 de abril de 2023

Lecturas trimestrais de ESO


Chegou a hora de pausar un pouquiño e falar das obras do trimestre pasado; resultaron moi interesantes e entretidas ao parecer da maioría.
 
Este trimestre propoñemos dúas lecturas para a ESO; ambas as dúas obras son de Núñez Singala e son moi divertidas:

-Instrucións para tomar café

-Menú de enganos

En xuño, se se pode, falaremos delas.

Club Atrevido de comedia

 Unha vez lido un poemario e concluído que a poesía tamén pode gustar a todo e que pode ser entretida en obras como Makinaria, pasamos a facer unha pequena pescuda sobre o seu autor e as intencións deste libro.

A seguir decidimos pasar a un novo chanzo  e probar con outro xénero para este mes, dado que xa tocamos banda deseñada e poesía e que quizais sexa o momento de tocar "narrativa".

Así, este mes imos ler unha obra cómica, sarcástica chea de dobre intencións. Trátase de Menú de enganos de Manuel Núñez Singala.

9 de marzo de 2023

Aires da miña terra para primaria e ESO

 No mes da poesía decidimos abordar unha obra conxunta para Primaria e ESO: imos ler unha escolma de poemas de Manuel Curros Enríquez.

A idea é que este ano fagamos unha visita co club a Celanova, onde visitaremos a Casa Museo de Curros, lugar onde viviu coa súa familia ata a mocidade.

Tamén nos achegaremos a Vilanova dos Infantes para ver a Torre e unha réplica da Virxe de Cristal, santa arredor da que había unha lenda á que o autor ourensán lle creou unha fermosa composición que o levou a obter un premio que lle supuxo moito recoñecemento na época...

Para preparar todo iso, pois, imos ler unha escolma de poemas de Aires da miña terra e tamén un fragmento da obra A Virxe de Cristal. 

7 de marzo de 2023

Poesía no club atrevido

Pasado o mes de febreiro lemos a nosa terceira "novela gráfica", Os que levan o lume, da que comentamos os seus aspectos máis salientables na xuntanza.

Aínda que as preferencias do club atrevido son a banda deseñada e a comedia, decidimos que, como estamos no mes do Día da Poesía, que nos iamos atrever cun poemario.

A elección foi unha obra que resulta moi dinámica e entretida e que xa é un clásico moderna da poesía en galego: Makinaria de Carlos Negro.



23 de febreiro de 2023

Día de Rosalía na ESO

 En secundaria realizamos unha escolma de poemas de amor de Rosalía de Castro para xuntar dúas efemérides: O Día do Amor ou a Candeloria (cando os paxariños empreñan...) co 23 de febreiro, día de Rosalía.

Así, puxemos nuns folios poemas de Rosalía que falan de amor e desamor. Para iso accedemos durante todo o mes aos seus poemarios Cantares gallegos e Follas novas e por grupos escollemos as mellores composicións de amor e desamor de Rosalía.


CANTARES GALLEGOS

-Nasín cando as prantas nasen

-Cantan os galos pro día

-Un repoludo gaiteiro

-Quíxente tanto meniña

-San Antonio bendito

-Pasa río, pasa río

-Pasan naquesta vida...

-Mais ao que ben quixo un día...




FOLLAS NOVAS

-Unha vez tiven un cravo

-Cando era tempo de inverno

-BOS AMORES

-AMORES CATIVOS

-un verdadeiro amor é grande e santo

-EU POR VÓS E VÓS POR OUTRO

-Ti, a feiticeira e branca como as neves

-Para a vida e para a morte

-Teño un mal que non ten cura

-Tanto e tanto nos odiamos

-Tecín soia a miña tea

-Marchéchete un día

-O meu olido máis puro

TAN SOYO

Escolma de Rosalía en Primaria

Hoxe é o Día de Rosalía e o club realizou durante todo o mes unha escolma de poemas de Rosalía que colgamos nuns carteis polos corredores do centro.

Esta foi a nosa contribución á mellor escritora da nosa literatura e unha das mellores da historia da literatura universal