30 de xaneiro de 2023

Actuación do club de Primaria no Día da Paz

 Este 30 de xaneiro celebramos un ano máis o Día Escolar da Non Violencia e a Paz.

A proposta desde os clubs de 5º e 6º de Primaria foi realizar unha versión ou adaptación libre da obra JUUL, un libro que fala do acoso a través dos insultos e as accións e reaccións que iso pode levar consigo.

A nosa proposta foi cambiar os insultos ao boneco do libro por un Potato para así crear un proceso de descomposición do personaxe para logo reconstruílo de novo a través da axuda doutras persoas que non xulgan negativamente o aspecto do/a protagonista.

Toda unha historia de superación coa que empatizou o alumnado do centro, ocasionando toda unha onda de reflexión sobre o asunto tratado.

Deixamos o texto-guión que nos serviu para a nosa posta en escena...

JUUL-POTATO, VERSIÓN 2023

 

 

5º

6º BRANCO

6º X

Relatora 1

 

 

 

Relatora 2

 

 

 

Relatora 3

 

 

 

Nen@ 1

 

 

 

Nen@ 2

 

 

 

Nen@ 3

 

 

 

Nora

 

 

 

 

COLOCAMOS O POTATO ENTRE AS RELATORAS 1 e 2. A RELATORA 3 PONSE DETRÁS DE JUUL-POTATO (se no público din que é Mister Potato dicímoslle que non, que é outra “persoa”, que se chama Juul e que imos contar a súa historia)

 

R1: Había unha vez alguén que se chamaba Juul

(R3 sinala o boneco)

R2: Como non vía ben, Juul levaba lentes

R1: E algunha xente fixouse niso

 

N1: Mirade, Juul ten lentes

N2: Ai, si!

N1: Si, e son ben grandes

N3: Parece que ten catro ollos

N1: CATRO OLLOS, CATRO OLLOS!!!!

(N2 E N3 rin; logo, a rapazada marcha)

 

R2: E Juul pensou que se sacaba os lentes ninguén se fixaría en que levaba posto

R3: Así que os tirou

(sacarlle os lentes)

R1: Pero Juul tiña o pelo loiro, case amarelo

(tocar o pelo)

R2: O seu cabelo era bonito, pero diferente ao de algunha xente

(aloumiñarlle o pelo)

R1: Un día, alguén, comezou a dicirlle algo do seu cabelo

 

N1: Mirade, Juul parece o poliño Pío

N2: Ti cres?

N1: Claro, ten o pelo amarelo

N3: Si e o poliño Pío é amarelo

N1: POLIÑO PÍO, POLIÑO PÍO!!!!

(risos e a rapazada marcha)

 

R2: Entón Juul pensou que o problema era o seu pelo

R3: E así, un día, Juul colleu unhas tesoiras e cortou todo o cabelo

(QUITARLLE O PELO AMARELO)


R1: E Juul pensou que solucionara o problema

R2: Juul tiña a cabeza agora a cabeza pelada

R1: Pero entón, alguén lle volveu dicir algo…

 

N1: Mirade, Juul agora non ten pelo

N2: Como lle brilla a calva!

N3: Si, parece unha bóla de billar!

N1: BÓLA DE BILLAR, BÓLA DE BILLAR!!!!

 

R2: Así que pensou que o seu problema agora era a calva

R1: Por iso puxo un gorro.

(R3 ponlle un gorro ao boneco,)

R2: Ao non ter pelo, o gorro caíalle enriba das orellas

R1: e estas sobresaían un pouco.

 

N1: Mirade como se lle notan agora as orellas

N2: Parece que ten Orellas de Pepe o soprón! 

N1: Ou mellor, parece Dumbo, O elefante voador!

N3: Podería botar a voar

N1: DUMBO, DUMBO!!!.

(risos e marchan)

 

R2: Iso teríalle gustado a Juul, voar moi lonxe de alí.

R1: Pero como non podía voar Juul desexou que o seu corpo fose desmontable

R2: E de súpeto, sentiu que podía sacar partes do seu corpo

R3: E De dous rabiosos tiróns Juul arrancou as orellas.

(quitarllas)

 

R1: Como non tiña orellas o gorro caíalle enriba dos ollos impedíndolle ver,

R2: E empezou a chocar contra as paredes,

R1: Petaba contra as cadeiras, 

R2: Juul vía as estrelas

R1: e empezou a mover os ollos.

R2: Entón fixáronse niso:

 

N1: Mirade, Juul choca con todo

N2: Non ve ben, parece que é birollo

N3: Non ve nada, parece cegato de todo

N1: BIROLO, BIROLLO, CEGATO, CEGATO! 

(Rin e marchan)

 

R1: Juul quitou o gorro

R2: E pechou fortemente os ollos porque pensou que o seu problema eran os ollos

R3: E como desexou non ter os seus ollos, estes caeron ao chan.

(quitarlle os ollos)

R1: Pero como agora non vía nada igual seguía tropezando

R2: E mancouse nunha perna

R1: Como tiña dor apenas podía camiñar

R2: E as pernas torcíanselle un pouco

R1: E a rapazada volveu aparecer: 

 

N1: Juul está coxo, non anda ben

N2: Juul é medio trenco, 

N3: Si, ten as pernas torcidas! 

N1: COXO, COXO, TRENCO, TRENCO!!!!

(rapazada marcha)

 

R2: E ao marchar a rapazada malvada, Juul quedou triste

R1: Volveu pensar que sería mellor non ter iso do que se burlaban os demais

R2: Por iso desexou que lle caísen as pernas

R3: E as pernas desapareceron

(quitarlle as pernas)

R1: Agora Juul só tiña corpo e brazos

R2: Quizais así o aceptarían

R1: E a rapazada cruel volveu

 

N1: Mirade cacho nariz ten Juul

N2: Siii, vaia napia.

N3: Parece Pinocho…

N1: PINOCHO, PINOCHO!!!

(marchan)

 

R2: E entón só quixo non ter nariz

R1: Quizais sería mellor así

R3: E o nariz caeu

(quitarlle o nariz)

R2: A ver agora se a cousa funcionaba

R1: Ata que chegou de novo a gandallada…

 

N1: Mirade a Juul sobresáenlle os brazos do corpo

N2: Parece un sinal de tráfico

N3: Ou como unha veleta

N1: VELETA, VELETA!!!

(marchan)

 

R2: E Juul desexou que lle desaparecesen os brazos tamén

R1: Quizais así conseguiría algo

R3: E os brazos caeron tamén

(quitarlle os brazos)

R2: Agora só quedaba un corpo Arredondado

R1: E volveu aparecer a rapazada perversa

 

N1: Mirade, Juul só é un corpo arredondado agora

N2: Parece unha pelota

N3: Pois xoguemos ao fútbol con esa pelota

(Cólleno e tírano ao chan)

N1: Boh! Pero nin sequera bota ben….

(Deixan a Juul e vanse)

 

 

R2: Entón chegou Nora.

(cun carro de bonecas)

R1: E atopou uns brazos tirados no chan

(recólleos)

Nora: De quen serán estes brazos?

R2: Nora seguiu andando

R1: E atopou a Juul tirado no chan

 

NORA: Pero que corpo máis bonito!

 

R2: Recolleuno para o seu carro de bonecas

R1: e limpouno

R2: aloumiñouno,

R1: agarimouno

R2: e díxolle cousas bonitas.

R1: Despois preguntoulle:

 

NORA: pero que che pasou?

(cólleo no colo e logo achégao á orella)

R2: Ao que Juul lle contestou,

R1: Nora achegouno á orella e escoitou o que lle dicía

R2: Sorprendeulle que foran tan crueis con Juul

R1: Cando acabou de contar a historia, Nora tivo unha idea

R2: E díxolle…

 

NORA: Mira, atopei estes brazos, que me encantaron, seguro que son teus…Queres  volver telos

R3: e Juul volveu querer ter os brazos

(poñerlle os brazos)

 

R1: E entón apareceu unha boa persoa que atopara as pernas

R2: E preguntoulles como se chamaban

 

NORA: Eu son Nora

R3: e Juul, tímidamente, presentouse tamén

R1: e Juul contou a súa historia

R3: E así recuperou as súas pernas

 

R2: E entón chegou outra persoa cos ollos

(chega R1 cos ollos)

R1: E cando soubo da súa historia díxolle que ela atopara uns ollos preciosos

R3: E Juul desexou volver ter os ollos… e os ollos volveron

 

R2: E todas xuntas saímos recuperar os cachos que Juul fora deixando polo camiño…

 

NORA: E dicíndolle que tiña que querererse e querer cada parte do seu corpo,

R3: E recuperou cousas ao tempo que iamos recordando que eramos amigos

(ir colocando)

R1: as orellas, porque xogamos xuntas…

R2: o nariz, porque rimos xuntas…

R3: o cabelo, porque andamos xuntas

NORA: Os lentes, porque cadaquén é como é…

R1: E o gorro, porque cadaquén precisa o que precisa…

R2: E agora Juul volve estar completa ou completo

R3: Porque non importa se é home ou muller

NORA: Nin se é persoa alta ou baixa

R1: Ou negra ou branca

R2: Ou gorda ou fraca

R3: Agora séntese ben

NORA: E xa non lle afecta o que lle din

 

R1: Pero queredes saber un segredo antes de rematar?

R2: Si. Pois pasou algo máxico… Como Juul agora non desexa facerse dano a maldición pasou a outras persoas…

R3: Así rapazada malvada agora sofre un castigo…

NORA: E cada vez que din algo malo reciben unha descarga eléctrica ou un calafrío ou calquera outra maldición…

 

 

(ENTRA A RAPAZADA MALVADA)

 

N1: POLIÑO PÍO, POLIÑO PÍO!!!! AAAAiii! (descarga eléctrica)

N2: DUMBO, DUMBO, DUMM,, aaaaaUUUU (susto)

N3: CEGATO, CEGATO…. Bbrrruuuuuu (calafrío)

 

(Marchan todas tres tremendo, berrando, recibindo descargas…)

R1: E ata aquí a historia de Juul

R2: Contada no Día Escolar da Paz e da Non Violencia

R3: Porque non só se fai dano á xente con bombas

NORA: Senón tamén se somos malvados cos demais

TODOS XUNT@S: Así que desexamos que teñades bos amigos e amigas…

E STOP AOS HATERS…


27 de xaneiro de 2023

Planificación do horario para o Día da Paz

 Deixámosvos a publicación do horario do Día da Paz. Se alguén ten algunha dúbida pode botar un ollo a través das novas tecnoloxías...

HORA

GRUPOS

CLUB DE LECTURA

AULA

9.45-12.40

Clase normal

(ensaios)

correspondente

12.40

INFANTIL

5º PRIM.

Infantil

1º PRIM

6º PRIM. X

1º

2º A+2º B PRIM.

6º PRIM. BRANCO

2º

3º A+3º B PRIM.

1º ESO-A

3º

4º+5º PRIM.

1º ESO-B

4º

6º A+6º B PRIM.

3º ESO

6º

13.05

INFANTIL

1º ESO-A

Infantil

1º

1º ESO-B

1º

2º A+2º B PRIM.

3º ESO

2º

3º A+3º B PRIM.

5º PRIM.

3º

4º+5º PRIM.

6º PRIM. X

4º

6º A+6º B PRIM.

6º PRIM. BRANCO

6º

13.30

2º A+2º B PRIM.

1º ESO-A

2º


6º A+6º B PRIM.

1º ESO-B

6º


3º A+3º B PRIM.

3º ESO

3º


2º ESO-A +2º ESO-B

5º PRIM.

AULA A


3º ESO

6º PRIM. X

3º ESO


1º ESO-B +4º ESO

6º PRIM. BRANCO

BIBLIO

13.55

2º ESO-A +2º ESO-B

1º ESO-A

AULA A


3º ESO

1º ESO-B

3º ESO


1º ESO-B +4º ESO

3º ESO

BIBLIO


10 de xaneiro de 2023

 Regresamos das vacacións e xa estamos de volta no club de ESO tamén. Comentamos brevemente as obras do trimestre anterior e xa nos preparamos para o que comeza.

Este mes decidimos as lecturas comúns que propoñemos no club para estes tres meses: 

-Santoamaro de Antonio M. Fraga

-A folla azul de Andrea Maceiras

Así, ademais das lecturas que preparemos para as actuacións, propomos estes libros para a súa lectura polo club e sobre os que falaremos á fin desta avaliación...

Nova lectura do club atrevido

 Este mes retomamos as reunións regulares do club atrevido.

Despois da reunión de decembro onde decidimos que obras abordar e tras poñer como primeiro libro o hobbit de Tolkien consideramos que foi unha decisión acertada.

Esta obra permitiunos achegarnos ao mundo da Terra Media e ao universo do escritor británico e achéganos a un clásico versionado tamén no cinema.

En definitiva, consideramos seguir coa narración en imaxes, con esa mestura de cómic, narración e "teatro". Pero a seguinte obra será en galego...

A primeira obra que propoñemos ler no novo ano é  tamén unha banda deseñada: O pacto do letargo: o tríscele roubado



9 de xaneiro de 2023

Reorganización do club de Primaria para xaneiro

 Comezamos este mes de xaneiro cunha xuntanza do club de Primaria pois contamos con novas incorporacións...

En 5º temos dúas novas fichaxes, co que seremos 7 e seguiremos a quedar os recreos dos xoves, ás 11.25 horas.

En 6º chegaron 3 novas fichaxes, co que seremos 14 pero faremos dous grupos para preparar as nosas lecturas. Así, decidimos que para a actividade crearemos dous grupos, o Grupo "Branco" e o Grupo "X" (xe ou xis).

As e os integrantes son...

Grupo Branco (ensaio os venres ás 11.25 horas)


Grupo X (ensaio os martes ás 11.25 horas)