O libro deste mes é Estudo en escarlata. Trátase do primeiro libro traducido que lemos este curso no club de lectura. É unha famosa obra do inglés Arthur Conan Doyle onde desenvolve por primeira vez nunha novela as aventuras dun fantástico personaxe detectivesco, quizais o mellor de tódolos tempos: Sherlock Holmes, acompañado polo seu amigo e narrador da historia o Doutor Watson.A obra transcorre fundamentalmente en Londres pero tén unha parte en Estados Unidos. Isto parece romper a unidade da obra, pero todo o contrario, pouco a pouco todo volve ao seu sitio e todo tén unha explicación, encaixando ao final o argumento á perfección.
Recomendamos esta obra desde o club de lectura e invitámosvos a seguila botándolle un ollo ás opinións persoais das e dos integrantes do noso grupo lector.
Ningún comentario:
Publicar un comentario