9 de outubro de 2023

Club de lectura de 6º de Primaria

 Ola!

Aquí estamos o club de lectura de 6º de Primaria no comezo dun novo curso; seguimos as integrantes orixinais e apuntouse algunha nova compañeira no centor.

Comezamos a nosa actividade coa vista posta no Samaín e para iso escollemos un libro de medo que continúa cunha saga que xa se dramatizara o curso pasado....

Con todo, decidimos adaptalo libremente e faremos un guión con base nesa obra pero conforme ás nosas inquedanzas e integrantes do club.

Se todo vai ben, o 31 de outubro veredes a nosa primeira proposta en público.

Un saúdo

Club de lectura de 5º de Primaria

 O club de lectura de 5º de Primaria xa comezou a súa actividade e a primeira actividade do curso foi ler un libro de medo para preparar e ler dramatizadamente no Samaín.

Despois da lectura decidimos adaptalo libremente e faremos un guión con base nesa obra pero con adaptación ás nosas circunstancias e integrantes do club.

O 31 de outubro veredes a nosa primeira proposta en público.

Club de lectura "As Portadas" 2023-2024". Horarios regulares.

 Ola! Boas!

Comezamos un novo curso no club de lectura "As Portadas" do CPI Domingo Fontán de Portas.

Achegamos a planificación prevista para o funcionamento regular dos diferentes grupos que engloban o noso macroclub de lectura. Algúns dos clubs específicos poderán facer máis reunións para preparar diferentes obras ou materiais pero as reunións fixas quedan deseñadas como se menciona a continuación.

HORARIO E CALENDARIO PREVISTO PARA AS REUNIÓNS

Club de 5º de PRIMARIA: xoves, de 11,25 a 11,55 horas (semanalmente). Encargado do grupo: Xoán Constenla.

Club de 6º de PRIMARIA: venres, de 11,25 a 11,55 horas (semanalmente). Encargado do grupo: Xoán Constenla.

Club de 1º ESO: Luns, de 12,15 a 12,40 horas (semanalmente). Encargada do grupo: María Roma

Club atrevido: Luns de 12,15 a 12,40 (mensualmente, unha vez); responsable Xoán Constenla;

ADULTOS:  Martes de 17.30 a 18.30 horas (presencial, 1 vez mensualmente); On line e por grupo de WhatsApp.


8 de xuño de 2023

Xuntanza final do club de Primaria

 Este mes de xuño remata outro curso do club de lectura. Na nosa xuntanza final fixemos un pequeno balance do curso, do que máis e do que menos gustou e agredecemos o enorme esforzo que puxo o club. perdendo moitos recreos, para preparar as diversas actuacións que tivemos ao longo do curso.

E nesta reunión final decidimos dedicar o que resta de curso a preparar as probas finais e gozar do tempo de lecer que queda e non esquecerse de ler, sexa o que sexa, no verán.

BOAS VACACIÓNS, que xa falta pouco.


6 de xuño de 2023

Xuntanza final do club atrevido

 Este mes remata o curso e, polo tanto, tamén as reunións do club de lectura. Con todo, decidimos facer unha última xuntanza do club atrevido para falar de Made in Galiza.

Tamén decidimos facer unha pequena reflexión sobre as obras que lemos e sobre a súa conveniencia de estendelas ao resto do centro, en especial para secundaria.

Así, decidimos que son obras moi acaídas para ter como "biblioteca de aula" para a "Hora de ler" e que, cando alguén non teña lectura propia poida botar man delas.

Así, recomendámolas para que haxa un exemplar de cada unha para o vindeiro curso nas aulas de cada grupo e comentouse que tamén se poderían incluír algunhas obras de ciencia.

Con esta suxestión do club atrevido, pois, rematamos o curso.

E atrevédevos a ler...

16 de maio de 2023

Actuación e baile de 1º ESO-B nas nosas letras

 As actuacións do club non rematan aquí. Este ano fixemos unhas performances/bailes de cancións en galego para facer máis actuais os actos das letras galegas.

En 1º de ESO-B optaron por un tema moi actual e colorido, "pano corado" das Tanxugueiras, onde se fai toda unha oda á diversidade.

Deixamos o vídeo que temos da actuación

Actuación con baile de 1º ESO-A nas Letras Galegas

 As actuacións do club non rematan aquí. Este ano fixemos unhas performances/bailes de cancións en galego para facer máis actuais os actos das letras galegas.

En 1º ESO-A baséanse para o seu baile no tema "OG (orixinal galego)" de Dios Ke Te Krew que fan un “feat” ou colaboración co grupo Boyanka Kostova

Deixámosvos o vídeo por se queredes velo...