8 de xuño de 2023

Xuntanza final do club de Primaria

 Este mes de xuño remata outro curso do club de lectura. Na nosa xuntanza final fixemos un pequeno balance do curso, do que máis e do que menos gustou e agredecemos o enorme esforzo que puxo o club. perdendo moitos recreos, para preparar as diversas actuacións que tivemos ao longo do curso.

E nesta reunión final decidimos dedicar o que resta de curso a preparar as probas finais e gozar do tempo de lecer que queda e non esquecerse de ler, sexa o que sexa, no verán.

BOAS VACACIÓNS, que xa falta pouco.


6 de xuño de 2023

Xuntanza final do club atrevido

 Este mes remata o curso e, polo tanto, tamén as reunións do club de lectura. Con todo, decidimos facer unha última xuntanza do club atrevido para falar de Made in Galiza.

Tamén decidimos facer unha pequena reflexión sobre as obras que lemos e sobre a súa conveniencia de estendelas ao resto do centro, en especial para secundaria.

Así, decidimos que son obras moi acaídas para ter como "biblioteca de aula" para a "Hora de ler" e que, cando alguén non teña lectura propia poida botar man delas.

Así, recomendámolas para que haxa un exemplar de cada unha para o vindeiro curso nas aulas de cada grupo e comentouse que tamén se poderían incluír algunhas obras de ciencia.

Con esta suxestión do club atrevido, pois, rematamos o curso.

E atrevédevos a ler...

16 de maio de 2023

Actuación e baile de 1º ESO-B nas nosas letras

 As actuacións do club non rematan aquí. Este ano fixemos unhas performances/bailes de cancións en galego para facer máis actuais os actos das letras galegas.

En 1º de ESO-B optaron por un tema moi actual e colorido, "pano corado" das Tanxugueiras, onde se fai toda unha oda á diversidade.

Deixamos o vídeo que temos da actuación

Actuación con baile de 1º ESO-A nas Letras Galegas

 As actuacións do club non rematan aquí. Este ano fixemos unhas performances/bailes de cancións en galego para facer máis actuais os actos das letras galegas.

En 1º ESO-A baséanse para o seu baile no tema "OG (orixinal galego)" de Dios Ke Te Krew que fan un “feat” ou colaboración co grupo Boyanka Kostova

Deixámosvos o vídeo por se queredes velo...

Actuación e baile de 6º nas Letras Galegas

 As actuacións do club non rematan aquí. Este ano fixemos unhas performances/bailes de cancións en galego para facer máis actuais os actos das letras galegas.

En 6º fixemos unha actuación/baile baseado no tema "Lisístrata (varre vasoira)" de Fillas de Cassandra que resulta ser un alegato antibelicista.

Deixamos o vídeo da actuación.

Actuación de 5º nas letras: performance en galego

 As actuacións do club non rematan aquí. Este ano fixemos unhas performances/bailes de cancións en galego para facer máis actuais os actos das letras galegas.

Así, en 5º, fixemos un baile-actuación con base no tema "Terra" das Tanxugueiras.

Deixamos aquí un vídeo da actuación.

Dramatización do club de Primaria nas letras galegas

 Un ano máis, a colaboración do club de lectura co EDLG foi absoluta e encargámonos de dinamizar a vida e obra de Francisco Fernández del Riego cunha actuación de 5 º e 6º. O alumnado de Primaria dramatizou un día na vida escolar para preparar o traballo na Semana das Letras Galegas.

En 5º representaron papeis de funcionarios e funcionarias do centro que van preparar as letras e en 6º foron finalmente o alumnado que levou a práctica o planificado.

En definitiva, expuxemos para todo o centro do xeito máis entretido que puidemos unha actuación para lembrar a figura de Fernández del Riego.

Con todo, as actuacións do club non rematan aquí. Este ano fixemos unhas performances/bailes de cancións en galego para facer máis actuais os actos das letras galegas. Así, ademais de pasalo ben, traballamos coa poesía moderna en galego e asociamos o idioma a temas actuais.

Esperemos que a F. Fdez del Riego lle tivese gustado esta combinación de actos no seu ano como homenaxeado das Letras, el, que foi o impulsor inicial destes actos...