Actividades do Samaín do Club de Lectura de ESO

Como vén sendo habitual no Samaín o club de lectura encárgase de protagonizar e preparar parte das actividades de medo no centro.

O club realizou as seguintes actividades:
-Lectura do conto Sticky notes traducido ao galego (Gorís, inglés e Raúl Diz, galego)
-Lectura e vivencia do relato Os sesos do morto (Gorís, inglés e Josiño, galego); interactuamos co público pasándolles os "restos mortais" (finxidos) dun finado (pasaron os restos: Carla, Fátima, Juanjo, Sergio, Iker, Celeste, Raúl e profes).

-Lectura dos contos de medo premiados en cada curso:

1º... Carla
2º... Fátima
3º... Juanjo
4º... Celeste

Actividades do Samaín do club de primaria

O club de Primaria realizamos algunhas actividades para o Samaín.

Unha consistiu en preparar unha lectura dramatizada para expoñer ao público de Educación Infantil e Primaria (3 quendas). O libro escollido foi Tanneke, princesa das bruxas, no que actuou de narradora Mariña, fixo de Tanneke Uxía, representaron as bruxas Lucía M. e Lorena, as profes Lucía e María e o príncipe foi Iago.

A segunda actividade consistiu en realizar as lecturas dos contos de medo premiados en cada curso.

As lecturas dos contos realizáronas os seguintes integrantes do club:

1º... Uxía
2º... Lucía M.
3º... Mariña
4º... Lorena
5º... Iago
6º...Lucía F.
 
Pódense ver as fotos dos grupos durante as actuacións na blog da biblioteca:
http://bibliocpidomingofontan.blogspot.com.es/
e
https://goo.gl/photos/esbqhVLHPDu2F6gN8

Lecturas do mes no club de Primaria.

Este mes realizamos dúas lecturas de "medo" para prepararnos para o Samaín. As obras escollidas foron:


Xabi non pode durmir, que fala dun neno e dos seus medos á hora de durmir e como finalmente os consegue superar.






Tanneke, princesa das bruxas, vai dunha rapaza meiga que quixo deixar de ser meiga para poder ter un príncipe, pero non conseguía transformarse en princesa sen deixar de ser ela mesma polo que renunciou a todo para volver ser o que era, unha bruxa que vivía feliz.





Con estas lecturas estivemos a traballar para o Samaín

Primeira lectura do club temático

Este curso decidimos transformar o club de adultos nun club temático. Cada mes será un integrante quen decida a obra que se le sobre unha determinada temática.

Comezamos cunha obra cómica sobre como somos os galegos e galegas: Instrucións para tomar café, de Manuel Núñez Singala.

As reunións serán o último xoves de cada mes. Como en outubro celebraremos o Samaín o xoves 29 deixaremos a reunión para o primeiro xoves de novembro.

Primeira lectura do club de ESO 15-16

Este mes de outubro decidimos poñer como lectura do club de ESO unha obra de medo coas miras postas no Samaín, que xa se achega. A obra é Cando petan na porta pola noite de Xabier P. Docampo, un clásico que nos arrepía de cando en cando...

Esta obra de catro contos lévanos da man do misterio e o desacougo en "O espello do viaxeiro" ata o medo psicolóxico en "O cumpremortes" ou o arrepío en "O Fornadas" ou "A loba".

cLUB dE LecturA aS pORTADAS 2015-2016

Comezou un novo curso e xa comezou a andar o club de lectura As Portadas do CPI Domingo Fontán de Portas. Contaremos coas seguintes seccións:

Club de 5º de Primaria: reunión os luns de 12.05 a 12.35
Club de 6º de Primaria: reunión os venres de 12.05 a 12.35
Club de ESO: reunión os martes de 14.20 a 15.05
Club temático (profesorado, alumnado e demais integrantes da comunidade educativa): reunión os xoves de 12.15 a 12.40).

Este ano o club de adultos transfórmase en algo máis aberto, escollendo un libro diferente cada mes sobre unha temática ou xénero determinado. Ademais, poderán asistir ás reunións, se queren, calquera integrante da comunidade que lese o libro.